निर्वाचन आचारसंहिता बिपरित मनहरीका दुई शिक्षक एमालेको प्रचारप्रसारमा ब्यस्त ।

बुधबार, कार्तिक ०२ गते ।
मकवानपुर । पश्चिम मकवानपुरको मनहरी गाउँपालिकाका दुई शिक्षक निर्वाचन आचारसंहिता विपरीत राजनैतिक दलको प्रचारप्रसारमा ब्यस्त रहेको पाईएको छ । श्री प्राथमिक बिद्यालय मनहरी ८ देउकोटका प्रावि अस्थायी दरबन्दीका शिक्षक ज्योति कार्की र राष्ट्रिय मावि मनहरी ६ सुनाचुरिका निमावि राहत शिक्षक देवराज रुम्बा राजनीतिक दलको प्रचारप्रसारमा लागेको खुलेको हो ।
निर्वाचन आचारसंहितामा कुनै पनि शिक्षकले राजनितीक दल वा उम्मेदवारको पक्ष वा विपक्षमा प्रचारप्रसार गर्न नहुने र सामाजिक सञ्जालमा कुनै सन्देश, सुचना, प्रचारप्रसार सामाग्री पोष्ट शेयर गर्न नहुने भनी उल्लेख गरीएको छ । तर मनहरीका दुई शिक्षक भने नेकपा एमालेका उम्मेदवारलाई जिताउन खुलेर लागेको छन् ।