राक्सिराङ्गको चेपाङको घरमा आगलागी ।

मंगलबार, श्रावण २४ गते ।

मकवानपुर । राक्सिराङ्ग गाँउपालिकामा रहेको एक घरमा आगलागी भएको छ । सोमबार एक्कासी आगलागि हुदाँ राक्सिराङ्ग गाउँपालिका वडा ८ निवासी कृष्णबहादुर प्रजा चेपाङको घर जलेर नष्ट भएको हो ।

आगलागीमा पारी मकै, कोदो, सोलार, लत्ताकपडा, कुखुरा र नगद रु १५ हजार गरि करिबकरिब तीन लाख बराबरको क्षति भएको पिडीत चेपाङले बताए । हाल चेपाङको परिवार स्थानियको घरमा आश्रय लिएर बसिरहेका छन । घरमा भएको अन्न सबै जलेर नष्ट भएपछि बिहान बेलुकाको छाक टार्न समेत पीडित परिवारलाई समस्या भईरहेको छ । साथै हालसम्म पीडित परिवारलाई कतैबाट पनि केही सहयोग नभएको गुनासो छ ।